შემოგვიერთდით Google-ის ყველაზე მასშტაბურ ტექნოლოგიურ ღონისძიებაზე! რა არის Google I/O? რა არის I/O Extended? რას უნდა მოველოდოთ? რას გპირდებით განრიგი I/O Extended-ის სპონსორები და პარტნიორები არიან Google-ი, GDG Tbilisi და Ginfo. გელოდებით ყველას ტერმინალში.
Google I/O არის ყოველწლიური სამდღიანი ღონისძიება, რომელიც კალიფორნიაში იმართება. მას მსოფლიოს სხვადასხვა კუთიდან ჩამოსული ათასობით დეველოპერი ესწრება. ღონისძიების მიზანია Google-ის ბოლოდროინდელი მიღწევების შეჯამება და მომავლის ხედვა. კომპანია სახავს მიზნებს, რომლის მისაღწევადაც უშვებს სხვადასხვა სერვისსა თუ ხელსაწყოს.
I/O Extended არის პლატფორმა, რომლის საშუალებითაც ნებისმიერ ადამიანს შეუძლია Google I/O დიდ ეკრანზე, მეგორბულ გარემოში იხილოს. შესაბამისად, დეველოპმენტის სამყაროში სიახლეების გასაგებად კალიფორნიაში მგზავრობა აღარ დაგჭირდებათ. I/O Extended-ი მსოფლიოს გარშემო ასობით ქალაქში ტარდება და ტრადიციულად, უკვე მეშვიდე წელია, თბილისიც ამ ქალაქების სიაშია. I/O Extended-ზე ღონისძიების ყველაზე მნიშვნელოვან ნაწილს, Keynote-ს იხილავთ.
ალბათ უკვე მიხვდით, რომ Google I/O-ზე ძალიან ბევრი პროდუქტი და სერვისი იქნება წარდგენილი. ზოგიერთი მათგანი დეველოპერებზე იქნება გათვლილი, ზოგიც კი ჩვეულებრივ მომხმარებლებზე. აგრეთვე იქნება სიახლეები, რომლებიც ყველას თანაბრად წაადგება. მაგალითისთვის, გამოვა ანდროიდის უახლესი ვერსიის, Android Q-ს მესამე ბეტა ვერსია, რის შემდეგაც დეველოპერებს აპლიკაციების უახლესი ბიბლიოთეკებით განახლება შეეძლებათ, მომხმარებლებს კი მათით სარგებლობა. ასევე ვიხილავთ Pixel 3a-სა და Pixel 3a XL-ს, გუგლის უახლესი ფლაგმანების ბიუჯეტურ ვარიანტებს.
I/O Extended-ს წელს Terminal-ი მასპინძლობს, რისთვისაც მათ დიდ მადლობას ვუხდით. კომპანია სტუმრებს დიდ ეკრანს, კარგ აუდიო სისტემას, სწრაფ ინტერნეტს და, რაც მთავარია, მეგობრულ გარემოს ჰპირდება. Keynote-ის ბოლოს იქნება გათამაშებაც, სადაც გექნებათ შანსი მოიგოთ საინტერესო პრიზები.
როგორც უკვე აღვნიშნე, Google I/O სამდღიანი ღონისძიებაა, ამიტომ მისი სრულად გაშუქება პრაქტიკულად შეუძლებელია. I/O Extended-ზე იხილავთ ყველაზე მნიშვნელოვან ნაწილს, Keynote-ს. განრიგი ასე გამოიყურება:
20:00 - 21:00 - შეხვედრა, გაცნობა, მომზადება;
21:00 - 23:00 - Keynote;
23:00 - 00:00 - შეჯამება, განხილვა, გათამაშება.
