Texnologiya və innovasiya sahəsi üzrə seçilmiş, bir-birindən maraqlı və faydalı çıxışların təqdim olunacağı “IWD Baku 2026 ” tədbiri bu il Azərbaycan İnnovasiya Mərkəzində keçiriləcəkdir.

IWD 2026 dünya üzrə 500-dən çox şəhərdə Women Techmakers səfirləri tərəfindən Beynəlxalq Qadınlar Gününə həsr olunan qlobal təşəbbüsün bir hissəsidir. Bu tədbirin əsas məqsədi İT sahəsində formalaşmış stereotipləri dağıtmaq və qadınların bu sahədəki rolunu daha görünən etməkdir. Məhz bu səbəbdən tədbirin spikerləri xüsusi olaraq qadın mütəxəssislərdən ibarətdir.

Bu ilki IWD-in mövzusu “Break the Pattern” olub, İT sahəsində fəaliyyət göstərən qadınları cəmiyyət tərəfindən formalaşdırılmış “qaydaları” sındıraraq inkişaf etməyə və öyrənməyə çağırır. Bu çərçivədə tədbirimizdə öz sahəsində stereotipləri qırmış, bacarıqlı və savadlı qadın mütəxəssislər müxtəlif mövzular ətrafında çıxış edəcəklər. Onlar təkcə bilik paylaşmayacaq, eyni zamanda iştirakçılar üçün öz sərhədlərini aşmaq yolunda ilham mənbəyi olacaqlar.

Tədbirimizdə iştirak edən qadın iştirakçıların sayı hər il artmaqdadır və ötən il bu rəqəm 300+ iştirakçıya çatmışdır. Gəlin, birlikdə bu sərhədləri aşaraq daha çox insana ilham verək və bu sayı birlikdə artıraq.

IWD 2026 Baku da sizi nələr gözləyir : 

📖 Yeni biliklər

🏢 Karyera imkanları

🎁 IWD 2025 stikerləri və hədiyyələri

🌐 Möhtəşəm netvörking.

Tədbirdə yalnız xanımların iştirakı nəzərdə tutulmuşdur, tədbirdə iştirak etmək istəyən bəylərdən maraq məktubu tələb olunacaq.

Qeydiyyatdan keçməyə tələsin, yerlər məhduddur.

Qeydiyyat üçün səhifədəki "RSVP" düyməsini sıxıb məlumatları dolduraraq biletinizi əldə edə bilərsiniz.

Tarix: 14.03.2026

Saat: 10:00

Məkan:  Azərbaycan İnnovasiya Mərkəzi (AİM)